শাওন মাহত কিয় ৰখা হয় গৌৰী ব্ৰত? আপুনি জানেনে শাওন মাহৰ বিশেষত্ব?

হিন্দু ধৰ্ম অনুসৰি শাওন মাহৰ এক বিশেষ গুৰুত্ব আছে। শাওন মাহক বছৰটোৰ আটাইতকৈ শুভ মাহ বুলি গণ্য কৰা হয়। শাওন মাহত ভগৱান শিৱ আৰু দেৱী পাৰ্বতীক অতি ভক্তি আৰু নিষ্ঠাৰে পূজা কৰা হয়। পঞ্জীকা অনুসৰি এই বছৰ শাওন মাহৰ প্ৰতিপদ তিথি ২১ জুলাইত ৩ বাজি ৪৬ মিনিটত আৰম্ভ হ’ব আৰু ২২ জুলাইত ১ বাজি ১১ মিনিটত সমাপ্ত হ’‍ব।

উদয়া তিথি অনুসৰি শাওন মাহ ২২ জুলাই সোমবাৰৰ পৰা আৰম্ভ হ’‍ব আৰু ১৯ আগষ্টত শাওন মাহ শেষ হ’ব। এই সময়ছোৱাৰ প্ৰত্যেকটো সোমবাৰ আৰু মঙলবাৰ ভক্তৰ বাবে বহু বিশেষ হ’ব। ২০২৪ৰ শাওন মাহত ৫টাকৈ সোমবাৰ ব্ৰত থাকিব। শাওন মাহৰ প্ৰথমটো সোমবাৰৰ ব্ৰতৰ তাৰিখ হৈছে ২২ জুলাই, দ্বিতীয়টো ১৯ জুলাই, তৃতীয়টো ৫ আগষ্ট, চতুৰ্থটো ১২ আগষ্ট আৰু পঞ্চমটো ১৯ আগষ্ট। শাওন মাহক আটাইতকৈ শুভ মাহ বুলি গণ্য কৰা হয়।

 

এই মাহত ভক্তসকলে ভগৱান শিৱ আৰু দেৱী পাৰ্বতীক প্ৰাৰ্থনা কৰে। তেওঁলোকে শাওন মাহৰ প্ৰতিটো সোমৱাৰে উপবাস পালন কৰে। এই দিনকেইটাত নিষ্ঠাৰে ভগৱান শিৱক উপাসনা কৰা হয়। অবিবাহিত মহিলাই প্ৰতি মঙলবাৰে মঙ্গলা গৌৰী ব্ৰত পালন কৰে যিটো শাওন মাহতে পালন কৰা হয়। কিছুমান যুৱতীয়ে এজন আকাংক্ষিত স্বামী পাবলৈ ষোল্ল সোমবাৰৰ ব্ৰত পালন কৰে আৰু তেওঁলোকে ভগৱান শিৱৰ পৰা আশীৰ্বাদ বিচাৰে।

ইয়াৰ উপৰিও এই মাহতেই শিৱভক্তসকলে বোল বোম পালন কৰে। শাওন মাহত অনুষ্ঠিত হোৱা এই বোল-বোমত শিৱভক্ত সকলে পৱিত্ৰ নদ-নদীৰ জল কঢ়িয়াই আনি শিৱ লিংগক স্নান কৰোৱায়। শাওন মাহ পালন কৰাৰ আঁৰত কিছু কাহিনী আছে। হিন্দু শাস্ত্ৰ অনুসৰি, সমূদ্ৰ মন্থনৰ সময়ত ভগৱান শিৱই সাগৰৰ পৰা ওলাই অহা সকলো বিহপান কৰিছিল বুলি বিশ্বাস কৰা হয়। ভগৱান শিৱই এই বিহপান কৰিছিল কিয়নো তেওঁৰ গোটেই পৃথিৱীখন ধ্বংস কৰাৰ ক্ষমতা আছিল।

ভগৱান শিৱই সকলো বিহপান কৰি পৃথিৱী আৰু সকলো জীৱ-জন্তুক উদ্ধাৰ কৰিছিল আৰু এই বিহ তেওঁৰ ডিঙিত ৰাখিছিল। সেইকাৰণে তেওঁক নীলকণ্ঠ বুলিও জনা যায়। ইয়াৰ পিছত, সকলো ৰাক্ষস আৰু দেৱতাই ভগৱান শিৱক গংগাৰ পানী আৰু গাখীৰ আগবঢ়াইছিল যাতে সেই বিপজ্জনক বিষৰ প্ৰভাৱ হ্ৰাস কৰিব পৰা যায়। এই সকলোবোৰ শাওণ মাহৰ সময়ত ঘটিছিল কাৰণেই মানুহে বিভিন্ন ঠাইৰ পৰা গংগা জল আনি ভগৱান শিৱক আগবঢ়ায়।