BSNL 4G সেৱাৰ বাবে অপেক্ষা শেষ। সমগ্ৰ দেশতে ছুপাৰফাষ্ট কানেক্টিভিটি প্ৰদানৰ বাবে মোবাইল টাৱাৰ উন্নীতকৰণত ব্যস্ত চৰকাৰী টেলিকম কোম্পানীটো। বিএছএনএলে দেশৰ ১৫ হাজাৰৰো অধিক মোবাইল ছাইটত ৪জি টাৱাৰ স্থাপন কৰিছে। শীঘ্ৰে সমগ্ৰ দেশতে একেলগে ৪জি সেৱা আৰম্ভ কৰিবলৈ ওলাইছে কোম্পানীটোৱে। কেৱল এয়াই নহয়, ব্যক্তিগত কোম্পানীৰ সৈতে প্ৰতিদ্বন্দ্বিতা কৰিবলৈ বিএছএনএলে ৫জিৰ পৰীক্ষাও আৰম্ভ কৰিছে। কোম্পানীটোৱে ব্যৱহাৰকাৰীসকলক ৫জি ৰেডি চিম কাৰ্ড প্ৰদান কৰিছে।
১৫ হাজাৰৰো অধিক ৪জি চাইট লাইভ হ’ল
ভাৰত সঞ্চাৰ নিগম লিমিটেডে নিজৰ অফিচিয়েল ছ’চিয়েল মিডিয়া হেণ্ডেলৰ জৰিয়তে নিশ্চিত কৰিছে যে ১৫ হাজাৰৰো অধিক ৪জি মোবাইল চাইটৰ কাম সম্পূৰ্ণ হৈছে। কোম্পানীটোৱে নিজৰ পোষ্টত উল্লেখ কৰিছে যে আত্মনিৰ্ভৰ ভাৰত পদক্ষেপৰ অধীনত ১৫ হাজাৰতকৈ অধিক ৪জি ছাইট প্ৰস্তুত কৰা হৈছে, যাৰ ফলত সমগ্ৰ ভাৰততে নিৰৱচ্ছিন্ন সংযোগৰ ব্যৱস্থা হ’ব। ভাৰত সঞ্চাৰ নিগম লিমিটেডৰ ৪জি সেৱাৰ বিশেষ কথাটো হ’ল ইয়াত সম্পূৰ্ণ থলুৱা প্ৰযুক্তি ব্যৱহাৰ কৰা হৈছে। এই মোবাইল টাৱাৰবোৰত ভাৰতত নিৰ্মিত সঁজুলি স্থাপন কৰা হৈছে।
আৰম্ভ হ’ল ৫জি টেষ্টিং
৪জি সেৱা আৰম্ভ কৰাৰ সমান্তৰালকৈ ভাৰত সঞ্চাৰ নিগম লিমিটেডে ৫জিৰ পৰীক্ষণো আৰম্ভ কৰিছে। শেহতীয়াকৈ কেন্দ্ৰীয় যোগাযোগ মন্ত্ৰী জ্যোতিৰাদিত্য সিন্ধিয়াই থলুৱা প্ৰযুক্তিৰ আধাৰত বিএছএনএলৰ ৫জি নেটৱৰ্ক ব্যৱহাৰ কৰি ভিডিঅ’ কল কৰিছিল। এই ভিডিঅ’টো প্ৰকাশ পোৱাৰ পিছৰে পৰা দেশৰ কোটি কোটি ব্যৱহাৰকাৰীয়ে BSNLৰ 5G সেৱাৰ বাবে অপেক্ষা কৰি আছে।
চৰকাৰী টেলিকম কোম্পানীটোৱে নতুন ব্যৱহাৰকাৰীক ৫জি ৰেডি চিম কাৰ্ড দিবলৈ আৰম্ভ কৰিছে। এনে পৰিস্থিতিত চৰকাৰী টেলিকম কোম্পানীটোৰ ৫জি সেৱাও আগন্তুক কেইমাহমানৰ ভিতৰত আৰম্ভ কৰিব পৰাটো সম্ভৱ। বৰ্তমান C-DoT কেম্পাছত BSNLৰ 5G সেৱাৰ পৰীক্ষা চলি আছে। আগন্তুক কেইসপ্তাহমানৰ ভিতৰত দেশৰ বহু চহৰত ইয়াৰ পৰীক্ষা কৰা হ’ব।
কেন্দ্ৰীয় চৰকাৰে BSNL পুনৰুজ্জীৱিত কৰাৰ বাবে চলিত বৰ্ষৰ বাজেটত ৮৩ হাজাৰ কোটিতকৈ অধিক ধন আবণ্টন দিছে। এই বাজেটৰ সহায়ত বিএছএনএলৰ নেটৱৰ্ক উন্নীতকৰণ আৰু সেৱাৰ মান উন্নত কৰা হ’ব।
.png)
0 Comments:
Post a Comment